Brannsiking av trehusbyen

Område med spesiell risiko for bybrann

Innsatsområdet for arbeidet som skal førebygga bybrann er den eldste delen av trehusbusetnaden i og rundt sentrum.

Der er risikoen størst for at eit tilløp til brann kan spreia seg og bli til storbrann med store øydeleggingar. Husa ligg tett i smale gater og bratte bakkar. Det er vanskeleg å koma til med sløkkeutstyr fleire stadar, og delar av området representerer store verneverdiar som er viktige å sikra for ettertida. 

Innsatsområdet er merkt gult og svart på kartet:

Brannsikkerheitsplan for trehusbusetnaden

I brannsikkerheitsplanen for trehusområda i Stavanger (PDF) har kommunen samla prosjekt og tiltak som skal hindra at ein brann utviklar seg til ein øydeleggande storbrann.

Planen blir revidert annakvart år. Stavanger kommune samarbeider tett med Rogaland brann og redning i arbeidet. Vi søker òg bistand og råd frå byantikvar, fylkeskonservator, Riksantikvaren, Direktoratet for samfunnstryggleik og beredskap (DSB) og andre ved behov.

Kva kommunen gjer for å hindra bybrann

Døme på konkrete tiltak som er sett i verk for å førebygga og forhindra bybrann:

• Smale brannbilar for tronge bygater, med utstyr spesielt eigna for gammal og tett busetnad.
• Sprinklaranlegg i sjøhusrekka på Skagenkaien og bygningar i Søregata.
• Nye renovasjonsordningar som gjer at søppelspann ved husveggar er fjerna.
• Fleire varmekamera som overvaker og varslar om moglege branntilløp.
• Forbodssone mot fyrverkeri.
• Informasjons- og haldningskampanjar.

Tidlegare har kommunen også gitt støtte til huseigarar i dei eldste delane av trehusområda som installerer direkte varsling til brannvesenet.

Huseigarane sitt ansvar for å hindra brann

Det viktigaste tiltaket mot brann og bybrann er åtferda og haldningane til huseigarane og bebuarane. Sørger du for at det ikkje oppstår brann, set du helIer ikkje den gamle trehusbyen i fare. Det er det spesielt viktig at gode råd for ein brannsikker kvardag blir følgd.  

Slik førebygger og sløkker du brann. (Lenke til DSB)