Heim for ein 50-lapp

Prøveprosjektet "Heim for ein 50-lapp" gjer det mogleg for ungdom å ta første nattbussen frå Stavanger sentrum, og bli transportert heilt heim. Tilbodet er primært for ungdom mellom 16 og 24 år.

Slik fungerer ordninga

• Ta buss N89 med avgang 01:15 frå Stavanger sentrum.
• Du må betale bussbillett som vanleg, men du kan bruke ungdomskortet på nattbussen.
• Bussen kjem til Sokn bussterminal på Rennesøy klokka 01:41 der ein taxi står og ventar.
• Maxitaxien har åtte passasjersete, men Covid 19-pandemien kan leggje restriksjonar på talet på sete.  
• Du betaler 50 kroner for taxituren. Du kan betale med kort eller med Vipps.
• Taxien vil køyre ein fast runde på Talgje og Finnøy med moglegheit til å køyre to til tre km inn i stikkvegar for å køyre deg heim.  
• Taxien kan køyre lenger ut frå ruta enn tre kilometer, men kostnaden for dette vil belasta den einskilde passasjeren.  
• Dersom det er plass i maxitaxien kan vaksne over 24 år sitje på. Taxituren vil koste 100 kroner for denne gruppa, og dei kan bestille mellom klokka 22:00 og 22:30 og vil få svar før siste båten til Judaberg går frå hurtigbåtterminalen klokka 23:00. 

Slik bestiller du

• Det kan tingast plass i taxien frå måndag kvar veke. Du må bestille tur innan klokka 22 den dagen du vil reise.    
• Bestillinga blir gjort direkte på e-post til taxiselskapet
• Brukarane vil få ein e-post og sms med informasjon om dei har fått plass eller ikkje.  
• Turen må avbestillast eit døgn før avgang dersom ein ikkje skal reise likevel.